Kosova mbron titullin

Përfaqësuesja U-18 e Kosovës ka arritur të mbrojë titullin e kampionit në turneun holandez, Limburg Basketball Trophy. 

Ata sot kanë zhvilluar ndeshjen gjysmëfinale dhe finale duke i mposhtur kundërshtarët e tyre me lojë të sigurtë, ka njoftuar trajneri i përfaqësueses Albert Sylejmani. 

Kosova ka mposhtur në finale ekipin amerikan Back 2 Basics me 20 pikë epërsi 58-38 për të ngritur trofeun në Maastricht të Holandës. 

Më parë, gjithashtu sot, ata kishin mposhtur kundërshtarin belg, Gembo me 12 pikë epërsi 67-55 në gjysmëfinale. 

Ky është trofeu i dytë me radhë i kosovarëve në këtë turne, të cilët përveç suksesit dhe prezentimit të denjë të vendit të tyre kanë arritur edhe të mbrojnë titullin e fituar vjet. ​