Kosova U-20, dy miqësore për dy ditë

Basketbollistët e përfaqësueses U-20 të vendit tonë nesër dhe pasnesër do të zhvillojnë dy ndeshje miqësore ndaj bashkëmoshatarëve bullgarë. 

Miqësoret në Samokov

Federata e Basketbollit të Kosovës përmes një njoftimi ka bërë të ditur se ekipi i drejtuar nga ish trajneri i parë i Trepçës, Ilir Selmani, të shtunën dhe të dielën do të provohet në Samokov të Bullgarisë. 

Përfaqësuesja U-20 e Kosovës ka kaluar një muaj me stërvitje intenzive, derisa ata qëndruan edhe për një javë në Akademinë Policore ku u përgatitën me regjim special. 

Europiani, muajin tjetër

Kosova U-20 do të udhëtojë muajin tjetër në Hungari ku do të marrë pjesë për herë të parë në kualifikime për Kampionatin Europian, Divizioni B, Grupi B. Kundërshtarë të Kosovës në këtë grup janë: Portugalia, Gjeorgjia, Mali i Zi dhe Luksemburgu. 

Ndeshja e parë e përfaqësueses së Kosovës do të zhvillohet më 7 korrik ndaj Portugalisë.