Kosova U-20, e përgatitur për europian

Përfaqësuesja U-20 e Kosovës në basketboll po vazhdon përgatitjet para paraqitjeve të para për Kampionatin Europian. 

Ato kanë shkuar mirë deri më tani sipas përzgjedhësit Ilir Selmani, ndërsa në ditët në vijim pritet që të aranzhojë miqësore për të parë se ku është në krahasim prej rivalëve. 

“Dhjetë ditë kemi qëndruar bashkë në Vushtrri. Basketbollistët kanë dhënë maksimumin në çdo stërivtje, ndërsa është punuar me intenzitet të lartë. Prej sot do të kemi të gjithë basketbollistët në dispozicion, pasi që FBK u ka siguruar të gjithëve akomodim ashtu që ata të mos udhëtojnë çdo ditë dhe do të qëndrojmë bashkë deri në Europian,” ka thënë Selmani në një prononcim për basketbolli.com. 

Kosova U-20 do të merr pjesë në Divizionin B, në Grupin B për Europian, derisa në grup ka kundërshtarë Portugalinë, Malin e Zi, Luksemburgun dhe Gjeorgjinë.