Kosova U18 në kërkim të finales

Basketbollistët e Kosovës U18 sot në përballjen gjysmëfinale ndaj Andorrës U18 janë duke kërkuar finalen e madhe të FIBA European Challengers.

Kosova U18 (M) sot nga ora 16:00 do të përballet me Andorrën në kuadër të FIBA European Challenger. Ky kampionat po zhvillohet në Tiranë, derisa përfundon të dielën me ndeshjen finale, vendin e tretë dhe pozitat 5-7.

Kosova pasi mundi në grup Shqipërinë 85:62 dhe Moldavinë 108:45 do të përballet me Andorrën, që përfundoi e dyta në Grupin G, kurse Kosova ishte lidere në Grupin F.

Dardanët e rinj kanë zhvilluar një kampionat mjaft të mirë dhe shpresojnë në fitoren e radhës, për tu kualifikuar në finale.

Gjysmëfinalja tjetër do të zhvillohet mes Shqipërisë dhe Luksemburgut, sfidë që zhvillohet nga ora 19:00.