ANULOHET
Kosovë vs. Azerbejxhan, anulohet miqësorja
24 January, 2018 @17:32
Menjëherë pas shortit të Ligës së Kombeve, short ky që vendosi Kosovën dhe Azerbejxhanin në të njëjtin grup, miqësorja mes dy përfaqësueseve, e planifikuar të luhet në muajin shkurt, është anuluar.
Lajmi u bë i ditur nga webfaqja zyrtare e Federatës së Futbollit të Azerbejxhanit, e cila shkroi që pasi që të dyja përfaqësueset tashmë janë në të njëjtin grup në Ligën e Kombeve, miqësorja mes tyre është anuluar me miratim të përbashkët të të dy federatave.
Se a do të organizojë ndonjë miqësore tjetër për muajin mars përfaqësuesja e Kosovës, mbetet të shihet në vijim.
