Kosovës mund t’i bashkohen edhe dy të huaj

Në konferencën e sotme për shtyp ku u bë e ditur lista e gjërë prej 19 lojtarëve të ftuar nga përzgjedhësi Arben Krasniqi për kualifikimet e Eurobasket 2017, është përmendur edhe çështja e lojtarëve të huaj të cilët do të mund të natyralizoheshin për të mbrojtur ngjyrat e Kosovës.

Lista e gjërë e Kosovës

Federata e Basketbollit e Kosovës ka pranuar se është në kontakt me dy basketbollistë të huaj, mirëpo emrat e tyre është thënë se do të bëhen të ditur pasi të dekretohen nga kryetari i shtetit të Kosovës.

I pari luan në pozitën 1-2, ndërsa i dyti luan në pozitën 4-5. Që të dy basketbollistët luajnë në ligën elite të Spanjës, që njihet si njëra prej ligave më të forta në Europë.