Lista e të ftuarve, nesër

Të premten (10.06.2016) me fillim nga ora 14:00 në zyrat e Federatës së Basketbollit të Kosovës (FBK) në Lagjen Arbëria në Prishtinë, përzgjedhësi i Kombëtares së Kosovës, Arben Krasniqi do të publikojë listën e gjerë me emrat e basketbollistëve që pritet t’i bashkohen grumbullimit në fillim të muajit korrik në kryeqytet.

Duhet theksuar se Kosova ndeshjen e parë në kuadër të kualifikimeve për Eurobasket 2017 do ta luaj kundër Sllovenisë si mysafire më 31 gusht të këtij viti.

Ndërkaq ndeshjen e dytë Kosova do ta luaj si nikoqire më 3 shtator kundër Ukrainës, kurse më 7 shtator është mysafire e Bullgarisë, derisa më 10 shtator e pret Slloveninë, pastaj udhëton në Ukrainë më 14 shtator dhe ndeshjen e gjashtë e të fundit në kuadër të këtyre kualifikimeve do ta zhvilloj si nikoqire më 17 shtator ndaj Bullgarisë.