NGA KONFERENCA
Love ende s’është gati
8 June, 2016 @9:14
Trajneri i Cleveland Cavaliers, Tyronn Lue, ka bërë të ditur që njëri nga lojtarët më të mirë të skuadrës së tij ende nuk është i sigurt nëse do të luaj në ndeshjen e tretë finale të NBA-së.
“Kevin Love është bashkë me ekipin, po ndihet më mirë pas lëndimit, mirëpo ende nuk është plotësisht gati. Brenda ditës do ta kuptojmë a do të jetë i gatshëm për ndeshje,” ka thënë Lue në konferencën për shtyp para ndeshjes Cavs-Warriors.
Sidoqoftë, Lue beson se në mungesë të Love-it, pritet rikthimi i Timofey Mozgovit në ekip.
“Timo duhet të jetë gati. Ka mundësi që të luaj dhe ai do të duhet ta shfrytëzojë këtë rast. Ne do të vendosim në fund,” ka thënë ai ndër të tjera.
Cleveland Cavaliers është në disavantazh 0-2 në serinë finale të NBA dhe do të kërkojë fitoren e parë të serisë në ndeshjen e tretë që do të zhvillohet sonte pas mesnate.
