THE FINALS - GAME 2
Green shkëlqen për 2-0
6 June, 2016 @8:24
Golden State Warriors ka marrë epërsinë 2-0 në finale të NBA-së, pasi që mposhti lehtë Cleveland Cavaliersin sot 110-77.
Draymond Green ka qenë më i dalluari te ekipi kampion, duke shënuar 28 pikë, prej të cilave 5 treshe, ndërsa shtoi këtu edhe 7 kërcime e 5 asistime në fitore.
“Ende është heret për të festuar. Duhet të kryejmë punën deri në fund, atëherë festa mund t’ia fillojë,” ka thënë MVP i stinorit Stephen Curry pas ndeshjes për nba.com.
Curry përfundoi takimin me 18 pikë të shënuara.
“Thjesht na mposhtën. Na mposhtën në gjithçka, nuk e di nëse diku kemi qenë më të mirë se ata sonte,” ka thënë super ylli i Cleveland Cavaliersave, Lebron James.
James përfundoi ndeshjen me 19 pikë, 9 asistime e 8 kërcime. Kurse përveç tij, vetëm edhe Richard Jefferson me 12, e Kyrie Irving 10, shënuan pikë dyshifrore.
Warriors tani kanë epërsinë 2-0 në serinë finale dhe i duhen edhe dy fitore për tu shpallë kampionë të stinorit. Seria e ndeshjeve tash bartet në Cleveland, ku dy takimet e radhës luhen aty.
