Sonte nis finalja

Pas një stinori fenomenal, me rekorde ekipore e personale të lojtarëve, po i afrohemi fundit të stinorit.

Sonte në natën që e lidh 2 dhe 3 qershorin, do të fillojë seria e finales së madhe në NBA, ndërmjet Golden State Warriorsit dhe Cleveland Cavaliersit.

Si erdhi Golden State Warriors në finale ?

Kampioni aktual, Warriors, startoi stinorin pa trajnerin Steve Kerr, i cili kishte lënduar shpinën, por ndihmësi i tij, Luke Walton, me sukses kaloi në
krye të skuadrës, derisa e theu rekordin me startin më të mirë në histori të NBA-së, me 24-0.

Steve Kerr, u kthye në skuadër, më 22 janar 2016 dhe me formën e shkëlqyer të skuadrës së tij, arritën ta thyejnë rekordin që e mbante Chicago Bullsi
nga stinori 1995/96, për të hyrë në histori me 73 fitore e 9 humbje në stinorin e rregullt.

Ndërsa në Play Off, Golden State në raundin e parë e eliminoi Houston Rocketsin, me rezutat 4-1 në seri, pastaj po me të njejtin rezultat eliminohet
edhe Portland Trail Blazers, kurse në finalen e Konferencës Perëndimore, ishte pranë eliminimit nga Oklahoma City Thunder, që ishin në epërsi prej 3-1, por megjithatë arritën të kalojnë në epërsi 4-3, për tu kualifikuar në finalen e madhe.

Si erdhi Cleveland Cavaliers në finale ?

Tek Cleveland Cavaliers çdo gjë shkonte siç duhet, fitoret renditeshin gjatë stinorit të rregullt, por çuditërisht Clevelandi e shkarkoi nga detyra David Blattin në mes të stinorit, ndërsa në krye të skuadrës erdhi ndihmësi i tij Tyronn Lue.

Cleveland e përfundoi stinorin e rregullt me bilanc prej 57 fitoreve e 25 humbje.

Cavs ia nisi Play Offit si rrufe, në raundin e parë Detroitin dhe në gjysmëfinale Atlanta Hawksin, e deklasoi me rezultat 4-0, kurse në finale të Konferencës Lindore, u mposht dy herë nga Toronto Raptors, por e mbylli serinë me rezultat 4-2.

Për superyllin e Cavsave, LeBron James, kjo do të jetë finalja e 6 radhazi (4 me Miami Heat, 2 me Cleveland Cavaliers) prej tyre arriti të fitojë
vetëm dy unaza (titullin).

SKEMA E PLAY OFFIT

Ndeshja e parë e serisë Golden State Warriors - Cleveland Cavaliers, do të luhet pas mesnate, në natën që e lidh 2 me 3 qershorin në ora 3:00.