Curry vendosi

Golden State Warriors shpëtoi finalen e Konferencës Perëndimore në mënyrë maestrale duke e kthyer disavatazhin 3-1 në 4-3 për tu bërë kampion të Perëndimit.

Ata tash i pret Cleveland Cavaliers në finalen e madhe të NBA-së, ndërsa Stephen Curry që iu kthye normalitetit me 36 pikë, prej të cilave 7 treshe ka thënë se ekipi do të vazhdojë të kërkojë fitoret edhe në vazhdim.

DUELI I SHTATË

“Duhet ta dini se sa e vështirë është të kthehesh në këtë mënyrë. Por ne e arritëm këtë dhe kjo është me rëndësi të madhe. Tash do të vazhdojmë të kërkojmë ende fitore,” ka thënë Curry pas fitores së serisë finale të Konferencës Perëndimore ndaj Oklahomas 4-3.

Ndërkaq Steve Kerr, trajner i kampionëve aktual të NBA-së ka shtuar:

“Mbijetuam duke u kapur për dhëmbë. Treguam se jemi të aftë për të kthyer rezultatin dhe tash ecim përpara,” ka thënë Kerr pas fitores.

SKEMA E PLAYOFFIT

E sa i përket performancës së Curryt, ai ka qenë i qartë.

“E patë kush është ai. Performancë vendimtare në ndeshjen e shtatë. Ky është Stephen Curry.”