PEJA VAZHDON ME FITORE
Kryesuesi, me fitoren e 11-të
7 December, 2015 @19:37
Peja ka shënuar edhe fitoren e dytë brenda tre ditëve. Pas Sigal Prishtinës në superderbi, ekipi i drejtuar nga Branimir Pavic ka mposhtur edhe Yllin në Suharekë sonte për të çuar numrin e fitoreve radhazi në 11.
Peja kështu vazhdon rekordin perfekt në Superligë këtë stinor, ku nuk din për humbje.
Ylli nisi më mirë ndeshjen duke shkuar në çerekun e parë me 6 pikë epërsi, derisa në të dytën Peja ndez motorët dhe rimerr epërsinë.
Sidoqoftë, eksperimentet në çerekun e tretë nuk duken të qëlluara dhe Ylli afrohet shumë duke barazuar rezultatin para 10 minutëshit vendimtar të ndeshjes.
Për afro 2 minutat e para të çerekut të fundit nuk kishte pikë, derisa Kevin Burwell shënoi për tre, prej ku Peja lëshohet në aventurën e radhës për fitore 18 pikëshe në fund.
Nenad Delic përsëri ka qenë lojtari më efikas i skuadrës. Kroati ka shënuar 16 pikë për ekipin e tij në fitoren e 11 në Superligë, derisa atij i ndihmuan edhe Fisnik Rugova e Kevin Burwell me nga 13 secili.
Te Ylli, Urim Zenelaj dhe Montreal Scott me nga 19 pikë ishin më efikasit, derisa fuqia e djelmoshave të Agron Berishës u shua në fund dhe ishte e pamjaftueshme për të befasuar verdhezinjtë lider.
Statistikat ekipore
| Ylli | Peja | ||
| Çereku i parë | 26 | 20 | |
| Çereku i dytë | 17 | 30 | |
| Çereku i tretë | 14 | 7 | |
| Çereku i katërt | 12 | 30 | |
| Kërcime | 41 | 41 | |
| Asistime | 16 | 17 | |
| Bllokada | 4 | 3 | |
| Topa të vjedhur | 11 | 5 | |
| Topa të humbur | 18 | 16 | |
| Tentime për tre pikë | 3/19 (15%) | 13/33 (39%) | |
| Tentime nga loja | 31/73 (42%) | 33/76 (43%) | |
| Tentime nga gjuajtjet e lira | 4/7 (57% | 8/12 (66%) |
Statistikat individuale te Ylli
| 1 | Urim Zenelaj | 19 pikë | 9 kërcime | 2 asistime |
| 2 | Montral Scott | 19 pikë | 6 kërcime | 5 asistime |
| 3 | Landon Atterberry | 15 pikë | 9 kërcime | 2 asistime |
| 4 | Egzon Kuqi | 12 pikë | 6 kërcime | 2 asistime |
| 5 | Altin Morina | 2 pikë | 5 kërcime | 5 asistime |
| 6 | Kreshnik Juniku | 2 pikë | 1 kërcim | - |
Statistikat individuale te Peja
| 1 | Nenad Delic | 16 pikë | 5 kërcime | 2 asistime |
| 2 | Fisnik Rugova | 13 pikë | 8 kërcime | 2 asistime |
| 3 | Kevin Bruwell | 13 pikë | 6 asistime | 1 kërcim |
| 4 | Drilon Hajrizi | 10 pikë | 7 kërcime | 3 asistime |
| 5 | Ronald Davis | 10 pikë | 5 kërcime | 1 asistim |
| 6 | Sam Muldrow | 10 pikë | 3 kërcime | - |
| 7 | Alban Veseli | 6 pikë | 3 kërcime | - |
| 8 | Burim Zekiqi | 4 pikë | 1 kërcim | 1 asistim |
| 9 | Leonard Mekaj | 3 pikë | 1 asistim | - |
| 10 | Rron Grapci | 2 pikë | 5 kërcime | 1 asistim |
