ADRIATIK
Kthehet ABA liga!
17 June, 2015 @23:51
Liga e Adriatikut, apo siç ndryshe njihet ABA liga, ku fjalën kryesore e kanë klubet e ish Jugosllavisë, me theks të veçantë kroatët dhe serbët, pritet t’i kthehet gjirit të FIBA-së.
Kjo pasi që pas mbledhjes së sotme të drejtuesve të Federatave dhe klubeve pjesëmarrëse është dakorduar që të njoftohet FIBA me ndërrimet në ligë.
FIBA ka kërkuar që fjalën kryesore në ABA ligë të kenë klubet pjesëmarrëse dhe Federatat përkatëse, e jo palët e treta, me ç‘rast ia morrën licencën kësaj lige.
Sonte, në Zagreb, drejtuesit e ekipeve pjesëmarrëse dhe të Federatave përkatëse kanë arritur pajtim sa i përket kërkesave të FIBA-së dhe e kanë njoftuar atë përmes një deklarate të përbashkët, me ç‘rast kanë kërkuar edhe lejen për pranim në gjirin e FIBA-së.
FIBA përndryshe, ka licencuar BIBL, Balkan League, ligë kjo ku marrin pjesë ekipet kosovare, derisa Sigal Prishtina është kampion në fuqi i kësaj lige.
