Ku humbi hapin Prishtina?

Në njoftimin pas ndeshjes për ndeshjen Sigal Prishtina - AEK Larnaca, FIBA Europe Cup në sektorin “Stats Don’t Lie” (Statistikat nuk rrejnë) ka shkruar se bardhekaltërit humbën hapin kur filluan të dështojnë nga tentimet për tre pikë. 

“Rikthimi i Sigal Prishtinës u ndërpre kur ata dështuan të shënojnë 6 tentimet për tre pikë. Para kësaj, ata kishin shënuar 10 nga 27, por humbën hapin kur iu desht më së shumti,” ka cekur faqja zyrtare FIBA Europe Cup sonte. 

RAPORTI I NDESHJES DHE TABELA 

Përndryshe, Sigal Prishtina ka shutuar 33 herë për tre pikë sonte, derisa ka shënuar 10 herë. 

Nga të gjitha tentimet për tre pikë sonte te Sigal Prishtina: Yll Kaçaniku 0/1, Edmond Azemi 2/3, Dardan Berisha 4/11, Stanimir Marinov 2/4, Gëzim Morina 1/3, Mohamed Abukar 0/3, Khalid El Amin 1/7 dhe Blerim Mazreku 0/1.

AEK Larnaca me fitore ndaj Sigal Prishtinës ka siguruar kualifikimin në fazën e dytë të FIBA Europe Cup, pas Energias që ka përfunduar grupin si vend i parë.