KOSOVA-ESTONIA
Foto: Xh. Rexha
Kualifikim historik!
19 August, 2017 @22:05
Kosova ka shënuar fitore ndaj Estonisë me mund të madh sonte për të siguruar kualifikimin e parë në fazën e dytë për Kupën e Botës Kina 2019.
Duke e mposhtur Estoninë, 75-69, me trepikëshin e Erjon Kastratit në fund dhe shënimet e Scott Bamforthit nga gjuajtjet e lira, Kosova ka shënuar fitoren e dytë në grup, për të kaluar tutje.
Dardan Berisha ka qenë më efikasi te Kosova me 28 pikë të shënuara, derisa Kastrati ka shënuar 13 të tjera në fitore.
Me këtë fitore, Kosova ka arritur të dalë e dyta nga Grupi C për të shkuar tutje, në fazën kualifikuese për Botëror, ku do të bashkangjiten përfaqësueset e mëdha europiane.
