GAME 5: BLAZZERS - OKC
FOTO/ nba
Lillard fenomenal, çon skuadrën në gjysmëfinale
24 April, 2019 @11:32
Performanca fenomenale e super yllit të Portlandit, Damian Lillard, bëri që Portlandi të kualifikohet në gjysmëfinale të Konferencës Perëndimore.
Rezultati ishte i barabartë 115-115 në sekondat e fundit të ndeshjes, topi ishte te Damian Lillardi, i cili shënoi gati nga gjysma e fushës për t’ia sjellë fitoren skuadrës me rezultat 118-115.
Lillard në këtë ndeshje shkëlqeu me 50 pikë, 7 kërcime e 6 asistime. Ai gjithashtu ishte i saktë 10 herë nga vija e treshit.
Në anën tjetër Paul George luajti me 36 pikë, derisa nuk mjaftoi triple-double (29 pikë, 14 asistime, 11 kërcime) i Russell Westbrookut për fitore.
Portland u bë skuadra e parë sivjet që e siguroi gjysmëfinalet në Konferencën Perëndimore. Ata në këtë fazë do të përballen me fituesin nga dueli Denver - San Antonio.
