PEJA
BOROZANI
Ljuca kthehet, Dardani s’dihet
4 April, 2013 @11:49
Lideri i BKT Superligës në basketboll, Peja, sonte do të zhvillojë njërën ndër ndeshjet më të vështira të stinorit, ndaj Sigal Prishtinës.
Kjo, për shkak se Peja pas hubmjes nga RTV 21, ka pësuar kritika në lojë, ndërsa në anën tjetër Sigal Prishtina është freskuar me trajnerin e ri Ahmet Kandemir dhe pret fitore.
Mirëpo, krejt ajo që e bën të shpresojë Sigal Prishtinën për fitore është mungesa e Dardan Berishës, i cili është i lënduar.
Sipas njoftimit të fundit të lëshuar në faqen zyrtare të klubit të verdhë, Dardan Berisha, është kthjellur nga lëndimi, po stërvit normalisht, mirëpo do të vendosë para ndeshjes pas konsultimit me trajnerin për shkak të shëndetit të tij se a do të luajë apo jo.
Ndërkaq, lajmi i mirë nga tabori pejan vjen për qendrën Ersid Ljuca. Ljuca është krejtësisht i gatshëm dhe ka kaluar fazën e lëndimit dhe pritet që të paraqitet në lojë sonte. Peja ka shënuar dy fitore ndaj Sigal Prishtinës, krahas një humbjeje nga ajo.
BKT SUPERLIGA, XHIROJA XXII, Sonte:
| 19:00, Pallati i Rinisë, Prishtinë | Sigal Prishtina - Peja | (1-2) Përballjet e deritashme |
