Los Blancos të pandalshëm, fitojnë edhe ndaj baskëve

Real Madrid vazhdon me formën e mirë në Euroligë, duke arritur fitoren e 12-të të stinorit. Viktima e radhës ishte Saski Baskonia. Madrilenet e mposhtën kundërshtarin me rezultat 55-77.

Në pjesën e parë mbretërit krijuan një epërsi prej 16 pikëve, duke e rritur në pjesën e dytë, për të realizuar një fitore të lehtë si mysafir.

Basketbollisti më i mirë te madrilenët ishte Jordan Mickey i cili shënoi 15 pikë, derisa për vendasit më i dalluari ishte Shavon Shields me 14 pikë.

Reali me këtë fitore barazohet me liderin Anadolu Efes me 12 fitore në total, derisa i ka 3 humbje deri më tani, kurse Baskonia ka një bilanc prej 6 fitoreve e 9 humbjeve