Maloku, kryetar i gjyqtarëve

Numri i madh i largimeve nga detyra e gjyqtarit dhe vëzhguesit muajve të fundit çoi deri te Kuvendi i jashtëzakonshëm i kësaj Shoqate. 

Shoqata e Gjyqtarëve të Federatës së Basketbollit të Kosovës në Kuvendin e jashtëzakonshëm të mbajtur dje në zyret e FBK-së ka zgjedhur Lulzim Malokun si kryetar të ri të saj. Maloku u zgjodh me vota shumicë, duke mos pasur asnjë votë kundër. 

Derisa Bordi menjëherë ka njoftuar se të gjithë gjyqtarët dhe vëzhguesit që kanë dhënë dorëheqje nga detyra e tyre për shkak të pakënaqësive mund t’i kthehen nën çadrën e Shoqatës. 

Sot Bordi i FBK-së kërkon edhe nivelizimin e taksave të gjyqtarëve, siç ka qenë më parë, derisa në mbledhjen e ardhshme pritet të konstituojë edhe Komisionet përkatëse sipas Rregullores së punës.