LIPJANI - MH PRISHTINA
MH Prishtina i kthehet fitores
13 February, 2021 @17:36
Skuadra Marigona Hill Prishtina ka shënuar fitoren e shtatë në Ligën e Parë duke e mposhtur skuadrën e vetme pa fitore, Lipjanin, me rezultat 79-116.
Ekipi i drejtuar nga trajneri Dritëro Sefaja krijoi epërsi dyshifrore që nga çereku i parë, të cilën e ruajti dhe gradualisht e thelloi deri në fund.
Gjashtë basketbollistë të Marigona Hill Prishtinës luajtën me pikë dyshifrore, derisa më i dalluari ishte Drilon Shala me double-double prej 20 pikëve dhe 17 kërcimeve.
Në anën tjetër te Lipjani u munduan të bëjnë diç më shumë Arjanit Krasniqi me 34 pikë dhe Hamit Sllamniku me 25 pikë.
Kjo është fitorja e parë e MH Prishtinës pas dy humbjeve të njëpasnjëshme ndaj AS Prishtinës dhe Newbasketit.
