Mijovic, trajner i Prishtinës

Sigal Prishtina sot në zyret e saj ka prezentuar trajnerin e ri të skuadrës, Petar Mijovic.

Mijovic, tashmë ish-trajner i Bashkimit, u vlerësua shumë stinorin e kaluar gjatë udhëheqjes së ekipit të portokalltë nga Prizreni.

Në konferencë për shtyp Mijovic ka thënë se do të tentojë që të arrijë sa më shumë me Sigal Prishtinën këtë stinor dhe pse jo, të korr edhe më shumë suksese sesa stinorin që e la pas klubi bardhekaltër.

Petar Mijovic i është përgjigjur edhe pyetjeve të shumta të gazetarëve të pranishëm në zyren e konferencave të klubit.

Ai ka bërë të ditur se gjithçka u kuptua shpejt dhe nuk e kishte vështirë të vendos.

“Jemi takuar këto ditët e fundit dhe vendosa,” ka thënë ai.

Më tej ai ka bërë të ditur se do të punojë me lojtarët aktual që ka Sigal Prishtina për të parë nëse ka nevojë për lojtarë shtesë.

Trajneri malazez ka shtuar se ekipi së pari do të duhet të sigurohet që t’i ketë 5-6 lojtarë cilësor vendorë, e pastaj të shihet për përforcime të huaja.

“Së pari duhet të shikojë kë e kemi në dispozicion prej vendorëve. Duhet të kemi 5-6 lojtarë nga vendorët. Pastaj do të shikojmë mundësinë e përforcimeve të huaja,” ka thënë Mijovic.