RIO 2016
Çereku i dytë i furishëm, vendos për SHBA-të
9 August, 2016 @8:54
Basketbollistët e SHBA-së kanë nisur ngadalë (18-18, çereku i parë) ndeshjen e sotme ndaj Venecuelës në kuadër të Grupit A.
Mirëpo, një furi e pandalshme pikësh dhe lojë e jashtëzakonshme, ka bërë që yjet e NBA-së me 30-8 në çerekun e dytë të bëjnë dallimin dhe të përfundojnë pjesën e dytë të lojës qetë.
Paul George shënoi 20, Jimmy Butler 17, Kevin Durant 16, kurse De Andre Jordan e Carmelo Anthony nga 14 pikë secili, në fitoren 113-69.
Gregory Echenique me 18 pikë e 7 kërcime dhe John Cox me 19 pikë e 2 topa të vjedhur, kanë qenë më të dalluarit te Venecuela, që nuk i bënë ballë amerikanëve.
SHBA-të pas kësaj ndeshjeje kanë bilanc 2-0, ndërsa Venecuela 0-2.
