KROACIA FITON
Saric bllokon Gasolin, Kroacia befason Spanjën
8 August, 2016 @9:10
Që në ndeshjen e parë të Lojërave Olimpike ka ndodhur një e papritur.
Dario Saric, ka shënuar pikët e avantazhit për Kroacinë në sekondat e fundit të ndeshjes, ndërsa kur Pau Gasol tentoi të përfundojë ndeshjen për Spanjën, Saric kërceu për të bllokuar legjendën spanjolle dhe t’ia sjellë Kroacisë fitoren 72-70 që në ndeshjen e parë të grupit në Rio 2016.
Kroacia është në festë. Ndërsa merita të mëdha ka marrë edhe trajneri Aleksandar Petrovic, që ka motivuar basketbollistët e tij për rikthim në ndeshje, kur Spanja kishte epërsi të konsiderueshme.
Bojan Bogdanovic ka qenë më efikasi te Kroacia me 23 pikë të shënuara në duelin ndaj Spanjës, derisa Darko Planinic ka shënuar 11, e Krunoslav Simon 10 të tjera në fitre.
Te Spanja, Pau Gasol ka përfunduar ndeshjen me 26 pikë, ndërsa Nikola Mirotic me 19 të tjera.
El tapón de Dario Saric a Pau Gasol, que da la victoria a Croacia sobre España #Rio2016 #Baloncesto pic.twitter.com/C73aLVUH0Q
— i Vines Basket (@iVinesBasket) August 8, 2016
