Kosova ‘ra’ në fund

Kosova përkundër paraqitjes tejet të mirë në tre çerekët e parë të ndeshjes, ka pësuar në fund në miqësoren zyrtare ndaj Estonisë, sot në Talin.

Loja e mirë e fillimit të ndeshjes nuk u kurorëzua me fitore në fund, pasi që djelmoshat me të kaltër ranë nga loja në 5 minutëshin e fundit, kur Estonia morri kontrollin e lojës, por edhe lodhja e reprezentacionit të Kosovës u duk.

Në fund, estonezët triumfuan me 10 pikë epërsi.

SHËNUESIT

Rain Veideman luajti me 17, ndërsa Reinar Halik dhe Sten-Timmu Sokk me nga 10 pikë secili, e Tanel Kurbas shënoi 14 të tjera për fitore.

Te Kosova, Justin Doellman shënoi 17, Jaren Sina 15 e Dardan Berisha 13 pikë të çerekut të parë dhe më asnjë tjetër.

BËRTHAMA

Arben Krasniqi, trajner i reprezentacionit të Kosovës, tashmë duket se ka të qartë bërthamën e pesëshes së parë të Kosovës. Dardan Berisha, Justin Doellman, Drilon Hajrizi e Fisnik Rugova janë katërshja që nisën dje dhe sot.

Jaren Sina sot është treguar më shumë sesa Mirza Ahmetbasic, ky i fundit nisi dje në pesëshen e parë.

Pjesa e ofanzive e skuadrës udhëhiqet me Dardan Berishën, ndërsa kur duhet të mbrohet, Yll Kaçaniku e Edmond Azemi futen në lojë. Fisnik Rugova luan kryesisht qendër dhe nuk e ka lehtë, pasi që Urim Zenelaj nuk u fut fare.

Mungesë e sotme ka qenë Granit Rugova, që ka qenë ndër më të dalluarit dje.

ÇEREKËT

Çerek pas çereku

Sa i përket çerekëve shkurt, në të parën Kosova dominoi me Dardan Berishën e Justin Doellmanin të pushuar. Në të dytën, selektori Arben Krasniqi pushoi dyshen që u dallua në çerek të parë, por Kosova mbajti mirë rezultatin. Në të tretën Estonia u këndell me Rain Veidemanin tejet preciz, derisa në çerekun e fundit vendasit për herë të parë kaluan në epërsi, e Kosova luftoi mjaft për të mbetur në lojë, kryesisht me pikët e Drilon Hajrizit, derisa dominoi lodhja në fund.

Statistikat individuale te Estonia

Statistikat individuale te Kosova