Fantasy TopSporti
Të gjitha lajmet
Tabelat dhe Rezultatet

GAME 2: PRIZRENI - PEJA

Myles shpëton Prizrenin, barazohet seria

Myles shpëton Prizrenin, barazohet seria


27 April, 2021 @22:09

Me shënimin e Divine Myles në sekondat e fundit, Ponte Prizreni e mposhti Pejën në vazhdime me rezultat 112-111.

Njëra ndër ndeshjet më të mira të stinorit, është luajtur sonte në palestrën “Sezai Surroi” në mes të Ponte Prizrenit dhe Pejës.

Prizreni në 10 minutëshin e parë e kishte epërsinë prej 6 pikëve (27-21), derisa epërsia u thellua në fund të pjesës së parë (61-45).

Landon Taliaferro shënoi 8 treshe deri në çerekun e tretë, kurse Peja e ngushtoi epërsinë në 84-79.

Në anën tjetër performanca e Dardan Berishës ishte fenomenale, ku luajti rol në barazimin e rezultatit për ta caktuar fituesin në vazhdime.

Në vazhdime Dardani përsëri ishte më i miri i Pejës, por fjalën e fundit ka thënë Divine Myles duke shënuar në sekondat e fundit nga vija e treshit dhe ia solli fitoren skuadrës së tij.

Myles luajti me 33 pikë, 7 asistime e 7 kërcime, derisa u ndihmua edhe nga Landon Taliaferro me 28 pikë te Prizreni.

Te Peja nuk mjaftuan super performancat e Dardan Berishës dhe AJ Walton. Berisha luajti me 43 pikë, kurse Walton me 20 pikë, 13 asistime e 10 kërcime.

SKEMA E PLAY OFFIT

Me këtë fitore seria barazohet në 1-1, derisa dy ndeshjet e radhës do të luhen në “Karagaç” të Pejës.


 
Të gjitha lajmet nga FBK Superliga