Ndahen rrugët me Locin

Skuadra e Rahovecit ka shkëputur bashkëpunimin me trajnerin pejan, Bujar Loci.

Sipas njoftimit të klubit vreshtar, vendimi është marrë në mbledhjen e Bordit, ku është shqyrtuar dhe diskutuar rrugëdalja nga rezultatet e fundit që nuk ishin aq pozitive si në Superligë ashtu edhe në Kupën e Kosovës.

“Bordi ka vlerësuar se skuadra po hynë në një fazë kruciale të kampionatit dhe e ka parë të domosdoshëm këtë veprim. Bordi dëshiron ta falënderoj trajnerin Loci për tërë angazhimin në pjesën e parë të kampionatit pasi siç dihet i njëjti e mori drejtimin e klubit në  fazë jo të mirë,” thuhet ndër tjerash në njoftimin e Rahovecit.

Loci ka mbajtur postin e kryetrajnerit te vreshtarët që nga marsi i vitit 2020 kur ishte emëruar në vend të Marjan Ilievskit.

Para kësaj, Loci ka qenë trajner i Rahovecit edhe gjatë viteve 2018-2019.