Largohet Ilievski, Rahoveci rikthen ish-trajnerin

Skuadra nënkampione e Kosovës në basketboll, Rahoveci, pas serisë së rezultateve jo të mira, mosarritjes së finales së Kupës së Kosovës, pastaj humbjes nga Peja në Superligë, humbjes nga Ibri në BIBL dhe largimi nga BIBL - ka ndarë rrugët me trajnerin e deritashëm të klubit, Marjan Ilievski.

Në vend të maqedonit Ilievski ekipi i vreshtarëve ka emëruar në krye të skuadrës ish trajnerin e saj, pejanin Bujar Loci.

Skuadra e Rahovecit pret që me Rahovecin të arrijë finalen e PlayOffit të Superligës!

“Loci për dy vite, me kapacitete më të vogla arriti që të dërgonte skuadrën tonë dy herë në finale. Me shpresën se e treta dhe e vërteta do të bëhen realitet,” ka shkruar njoftimi i klubit gjatë komunikimit lidhur me ndërrimin e shefit të shtabit teknik të skuadrës.