RAHOVEC
Tyree Griffin lojtar i ri i Rahovecit
9 March, 2020 @21:44
Nënkampioni aktual i Kosovës dhe ekipi që nuk arriti të përfundojë stinorin në BIBL, duke u tërhequr nga garat, KB Rahoveci, ka zyrtarizuar para pak çastesh lojtarin e ri në ekip.
Ai është Tyree Griffin, që do të vesh fanellën e vreshtarëve tash e tutje dhe pritet t’i ndihmojë ekipin në ciklin e fundit të ndeshjeve para PlayOffit të Superligës.
Griffin që së fundi ka qenë pjesë e ekipit serb Mladost, ku ka luajtur gjashtë ndeshje në elitën e këtij vendi, ka pasur minutazhë prej 24.3 minutave për ndeshje, duke shënuar 13.2 pikë mesatarisht dhe 5 asistime për lojë.
Griffin më fund të muajit maj të këtij viti do t’i mbush 24 vjet, ndërsa është i gjatë 178 centimetra dhe luan në pozitën e organizatorit të ndeshjes/ playmaker.
