PAS LARGIMIT TË RAHOVECIT
BIBL ndërron formatin, Final Four në Pejë
9 March, 2020 @21:25
Sezoni 2019/20, ndër më të dobëtit e ligës ballkanike dhe me më së paku pjesëmarrës, pas largimit të KB Rahovecit nga garat, ka ndërruar format për pjesën përfundimtare të saj.
“Në pajtim me ekipet e mbetura në garë, kampioni i vitit 2020 në BIBL do të vjen pas Final Fourit që do të organizohet në qytetin e Pejës, duke nisur prej 31 marsit dhe që përfundon me 1 prill,” është thënë në njoftimin e fundit të botuar para pak çastesh në faqen zyrtare të BIBL.
Para fillimit të Final Fourit, duhet të zhvillohet edhe një ndeshje dhe më 18 mars Vllaznia pret Ibrin e Rozhajës në Shkodër për të përcaktuar përfundimisht ekipin që do të përfundojë i treti në ligë, pasi që të dyja kanë bilans 4-6 për momentin.
Lider i BIBL në stinorin e rregullt ka qenë ekipi bullgar Academic, ndërsa pason Peja.
