STITT
BOROZANI/ Lis Dorambari
Ndërron jetë ish lojtari i Prishtinës
13 July, 2016 @14:12
Basketbollisti i dikurshëm i Sigal Prishtinës, Demontez Stitt, ka ndërruar jetë sot, kanë bërë të ditur mediat e huaja.
Besohet që ai të ketë ndërruar jetë për shkak të një sulmi të papritur në zemër.
Stitt 27 vjeç ka qenë pjesë e Sigal Prishtinës në stinorin 2014/15, ndërsa ka fituar titullin kampion dhe atë të BIBL me bardhekaltërit.
Njoftimin e parë e ka dhënë faqja sportive izraelite One, ndërsa së fundi basketbollisti në fjalë ka qenë pjesë e kampionatit turk ku ka luajtur për ekipin Gediz.
Pak orë para se të ndërronte jetë, ai kishte cicëruar në Twitter, “Falemnderit Zot”.
Edhe ekipi i Sigal Prishtinës i ka shprehur ngushëllime familjarëve dhe miqve të lojtarit amerikan.
