Agjenti: Stutz te Trepça

Basketbollisti amerikan, Eric Stutz, është përforcimi i parë i huaj i një ekipi kosovar për stinorin e ri të Superligës 2016/17.

Sipas agjentit të lojtarit në fjalë, Stutz ka arritur marrëveshje me Trepçën e Mitrovicës, që përfundoi stinorin e kaluar në vend të katërt dhe arriti gjysmëfinalen e Kupës së Kosovës, Final Four.

Stutz vjen nga Kentucky i NCAA ku në stinorin e kaluar ka pasur mesatare prej 15.6 pikëve për ndeshje, 2.4 asistimeve dhe 5.7 kërcimeve.

Ai luan në pozitën 3 dhe është 2.03 metra i gjatë, ndërsa është i lindur në vitin 1992 dhe para stinorit të ri të Superligës së Kosovës do t’i mbush 24 vjet.

Trepça zyrtarisht ende nuk e ka konfirmuar këtë njoftim të lëshuar nga agjenti i lojtarit sonte.