Ndezin motorët në fund

Sigal Prishtina ka arritur të shënojë edhe fitoren e radhës nën drejtimin e Marin Dokuzovskit, që ende nuk ka përjetuar humbje prej se ka marrë drejtimin e skuadrës nga kryeqyteti. 

Bardhekaltërit kanë mposhtur Bashkimin në Pallatin e Rinisë dhe të Sporteve 108 - 80, duke e regjistruar kështu fitoren e 22-të në Superligë.

Çereku i parë ka sjellë një luftë të bukur në të dyja anët e koshit, derisa kundërshtarët nga Prizreni kanë befasuar për të mirë duke barazuar 26-26 në fund të saj. 

Në çerekun e dytë Sigal Prishtina ka krijuar epërsi 11 pikëshe për të përfunduar pjesën e parë 60-49. E derisa në çerekun e tretë skuadrat kanë barazuar përsëri, në atë të fundit, Sigal Prishtina nuk e ka lejuar Bashkimin të shënojë mbi 10 pikë duke krijuar epërsinë përfundimtare 108-80. 

Dardan Berisha ka qenë përsëri lojtari më i dalluar i Sigal Prishtinës duke regjistruar double-double prej 23 pikëve dhe 10 asistimeve. Atij i ka ndihmuar edhe qendra Blerim Mazreku, që shënoi 24 pikë në fitoren e ekipit të tij. 

Në anën tjetër te prizrenasit janë dalluar qendrat Endrit Hysenagolli dhe Rickey Young. Të dy kanë shënuar double-double, ku shqiptari ka pasur 25 pikë e 10 kërcime, derisa amerikani 23 pikë e 10 kërcime. 

Derisa Sigal Prishtina në xhiron e radhës pritet të udhëtojë në Karagaç për superderbi ndaj Pejës, nëse nuk shtyhet ndeshja për shkak të Final Four të ligës ballkanike, Bashkimi do të ndeshet me Besën e Pejës në Sezai Surroi për të kërkuar vendin e tretë. 

Rezultatet dhe tabela aktuale. 

Statistikat individuale te Sigal Prishtina:

Statistikat individuale te Bashkimi: