CSKA-PANA
CSKA fiton në vazhdime
16 April, 2014 @21:48
CSKA Moskës i janë dashur vazhdimet për të shënuar fitore në ndeshjen e parë të serisë çerekfinale ndaj Panathinaikosit shumë të mirë sonte.
Pasi ndeshja përfundoi me barazim pas 40 minutave lojë, 72-72, ndeshja shkoi në vazhdime, ku në 5 minutat shtesë u shënuan vetëm shtatë pikë, sa për të bërë dallimin dhe për t’ia dhënë fitoren moskovitëve, 77-74.
Sonny Weems ka qenë koshashënuesi më efikas i takimit, duke shënuar 21 pikë për CSKA-në, derisa atij i ndihmoi edhe Victor Khryapa me 17 tjera të shënuara.
Te ekipi grek, që humbi në fund më të dalluarit sa i përket pikëve të shënuara kanë qenë, Jonas Maciulis dhe Stephane Lasme me nga 14 pikë të shënuara.
Me këtë fitore, CSKA ka kaluar 1-0 në epërsi në serinë ku duhen tre fitore për të përcaktuar skuadrën pjesëmarrëse të Final Four.
