REAL MADRID
Përfundon stinori për Draperin
16 April, 2014 @15:40
Nëse Real Madrid do të arrijë të kualifikohet në Final Four të Euroleague, këtu duhet të luftojë pa organizatorin Dontaye Draper, për të cilin ka përfunduar stinori në Euroleague.
Ai ka thyer dorën në ndeshjen e mbrëmshme çerekfinale ndaj Olympiacosit dhe kjo u konstatua sot, pasi që u kontrollua nga mjekët.
Draper pësoi lëndimin në çerekun e tretë të ndeshjes së mbrëmshme, kur edhe u desht të lirojë parketin.
Ai ka qenë MVP i Eurocup në stinorin 2010/11 kur mbronte ngjyrat e ekipit kroat Cedevita. Draper është vjedhësi i dytë më i mirë i topave në Euroleague këtë stinor dhe mungesa e tij pritet të jetë e dukshme për madrilenët në përfundimtaren e Euroleague.
