DAVORIN NAKIÇ
Në rrugë të duhur
23 February, 2016 @18:37
Davorin Nakiç, shefi i Departamentit të Gjyqtarëve në FIBA Europe, i cili qëndroi në Prishtinë fundjavën e kaluar dhe së bashku me Gjorgj Piperkovin ligjëruan në Klinikën për Gjyqtarët Kandidatë Potencialë për thirrje nga FIBA, ka thënë fjalë të mira për basketbollin kosovar.
Pas përfundimit të Klinikës, Nakiç tha:
“Kam ndjekur 9 ndeshje në disa kategori të ndryshme në Kosovë dhe mund të them që jam i kënaqur me punën e trajnerëve këtu. Ka shumë basketbollistë dhe basketbolliste të talentuara dhe vullneti për punë nuk mungon. Basketbolli kosovar është në rrugë të duhur. Jam i kënaqur nga angazhimi i gjyqtarëve të rinjë në Klinikë dhe me këtë përkushtim që kanë, mund të arrijnë të bëhen gjyqtarë ndërkombëtar.”
