DUELI I KATËRT
Nesër Kosova pret Slloveninë favorite
9 September, 2016 @12:01
Përfaqësuesja e Kosovës nesër me fillim nga ora 20:00 në palestrën “Minatori” të Mitrovicës pret Slloveninë, favoriten e Grupit E kualifikues për Eurobasket 2017.
Kosova në tre ndeshjet e para të Grupit E nuk ka shënuar asnjë fitore dhe ka tre humbje të regjistruara (nga Sllovenia, Ukraina e Bullgaria).
Në anën tjetër, Sllovenia ka vërtetuar epitetin e favoritit të grupit dhe ka shënuar 3 fitore në 3 duelet e para të saj.
Kosova luajti me Slloveninë në Ljubljanë më 31 gusht në duelin debutues në gara kualifikuese, ku u mposht me rezultat të thellë 113-68.
RAPORTI DHE STATISIKAT E DUELIT SLLOVENIA-KOSOVA
Sidoqoftë, nesër djelmoshat e Arben Krasniqit pritet të kenë një paraqitje më të mirë, edhe pse fitorja ndaj Sllovenisë është larg dhe do të bëhej befasi e dorës së parë.
Sllovenia në radhët e saj ka NBA lojtar si Goran Dragic i Miami Heatit, ndërsa të tjerët janë pothuajse të gjithë në ekipe elite europiane dhe bëjnë pjesë në pesëshet startuese të Euroligës si: Jaka Blazic (Laboral), Alen Omic (Efes), Zoran Dragic (Armani Milano), Klemen Prepelic (Limoges) etj.
