FAVORITI FITON
Sllovenia shpëton nga befasia ukrainase
7 September, 2016 @22:49
Rivalët e grupit të Kosovës në kualifikime për Eurobasket 2017 kanë dhënë një paraqitje tejet interesante në duelin e tyre.
Sllovenia në fund, ka shënuar fitore të ngushtë 81-77 ndaj Ukrainës, ku në çerekun e fundit Ukraina ka bërë gjithçka për të befasuar, por nuk ka arritur.
Kështu, Sllovenia arsyeton epitetin e favoritit të grupit duke kryesuar me 3 fitore nga 3 ndeshje dhe të shtunën është mysafire e Kosovës në Mitrovicë.
Zoran Dragic ka qenë më efikasi sonte te Sllovenia. Ai ka shënuar 28 pikë e 7 kërcime në ndeshje. Pas tij, pikë dyshifrore kanë shënuar edhe Klemen Prepelic, 12, Gaspar Vidmar 11 dhe Jaka Klobucar, 10.
Në anën tjetër, te Ukraina më të dalluarit kanë qenë Lukashov me 14 dhe Fesenko me 10 pikë të shënuara.
Sllovenia ka bilanc 3-0 pas 3 ndeshjeve, ndërsa Ukraina 2-1.
