Nisin stërvitjet për mbrojtje titujsh

Sigal Prishtina, kampione e Kosovës dhe e BIBL, ka nisur dje edhe zyrtarisht përgatitjet për stinorin e ri basketbollistik.

Nën drejtimin e trajnerit të ri, malazezit Petar Mijovic, disa nga basketbollistët bardhekaltër kanë nisur stërvitjet e para dhe njoftimin me skuadrën.

Ekipi i Sigal Prishtinës pritet të kompletohet pasi që edhe Kosova të përfundojë ciklin kualifikues për Eurobasket 2017, kur stërvitjet do të marrin formën e plotë të tyre.

Sigal Prishtina është kampione aktuale e Kosovës, e ligës ballkanike dhe ka të fituar Kupën e Kosovës. Synimi i skuadrës për këtë stinor është thënë të jetë mbrojtja e të gjitha këtyre trofeve, si dhe kalimi i raundit të parë i FIBA Europe Cup.