Nesterovic: Do t’i fitojmë të gjitha ndeshjet

Sllovenia që tash shihet favorit i Grupit E kualifikues për Eurobasket 2017, ku do të debutojë Kosova. 

Për më tepër, Sllovenia do të jetë kundërshtarja e parë e Kosovës dhe përfaqësuesja jonë do të debutojë me ekipin senior ndaj tyre. 

“Grupi nuk është i lehtë, por filozofi të madhe nuk ka. Nëse dëshiron të shkosh në Kampionat Europian duhet të fitosh,” ka thënë Nesterovic, Sekretar i KZS-së sot, shkruan faqja zyrtare e FBK-së. 

“Ballafaqimi mes Kosovës e Sllovenisë do të jetë i njejtë si me rivalët tjerë të grupit. Ne synojmë të fitojmë çdo ndeshje dhe të shkojmë në Europian, edhepse kjo gjë nuk do të jetë e lehtë dhe këtu pastaj vendosin faktorët tjerë si lëndimet, potenciali i rivalëve, etj. Por sidoqoftë, ne nuk do të ndalemi së kërkuari europianin,” ka thënë ish basketbollisti i dikurshëm i Olimpijas, Kinder Bolognas, Minnesota Timberwolvesit, San Antonio Spursit, Toronto Raptorsit, Indiana Pacersit dhe Olympiacosit, Nesterovic. 

Sllovenia është bartës i Grupit E kualifikues për Eurobasket 2017 dhe llogaritet si favorit kryesor i këtij grupi. Kosova ndeshjen e parë do ta luajë pikërisht ndaj Sllovenisë.