BROSE BASKETS - PANATHINAIKOS
Nick Calathes shpëton Panën në fund
26 October, 2016 @23:50
Në ndeshjen interesante që u luajt sonte në Gjermani, Panathinaikos në 10 sekondat e fundit ishte në dizavantazh kundër Brose Bambergit vendas.
Skuadra gjermane ishte shumë afër të gëzohet për fitore, por në skenë doli greku Nick Calathes duke shënuar 3 sekonda para përfundimit të ndeshjes dhe për t’ia sjellur fitoren Panës me rezultat të ngushtë 84-83.
Koshashënuesi më i mirë te skuadra greke ishte K.C. Rivers me 18 pikë të shënuara, derisa heroi i natës, Nick Calathes, për një asist ishte larg shifrave magjike triple-double (10 pikë, 11 kërcime e 9 asistime).
Kjo ishte fitorja e dytë e Panathinaikosit në tri ndeshjet e para të stinorit.
