Vazhdimet pengojnë fitoren për Prishtinën

Sigal Prishtina edhe kësaj here ka vazhduar me rezultatet negative që e kanë kapluar që nga fillimi i këtij stinori.

Ndryshimet e fundit në skuadër megjithëse dikej sikur kanë filluar t’i japin frutet e para, pasi bardhekaltërit ishin shumë afër fitores sonte ndaj Rilskit bullgar, megjithatë në fund u larguan kokëulur nga fusha.

Mysafirët, ishin ata të cilët kishin epërsinë në rezultat, sidomos në pjesën e parë të ndeshjes, por në çerekun e tretë dhe të katërt, gjërat filluan të ndryshojnë në të mirë të Prishtinës.

Ndeshja u shndërrua në dramë në çastet e fundit, kur edhe 11 sekonda para fundit, pranë rezultatit 93-90 për Prishtinën, Rilski fitoi tri gjuajtje të lira, të cilat i shndërroi në pikë për ta barazuar rezultatin në 93-93 dhe për ta çuar ndeshjen në vazhdime.

Në vazhdime Rilski u tregua më gjakftohtë, ndërsa Prishtina dështoi në gjuajtjet nga distanca.

Në fund, Prishtina - Rilski 100-104.

Koshashënuesi më i mirë për Prishtinën edhe në këtë ndeshje ishte Bojan Trajkovski, i cili luajti me 17 pikë, 6 kërcime e 2 asistime, ndërsa te mysafirët veterani bullgar 37 vjeçar, Yordan Bozov, shkëlqeu me 28 pikë të shënuara, me përqindje të pagabueshme nga gjuajtjet e lira, 10/10.

Kjo është fitorja e parë për Rilskin, ndërsa Sigal Prishtina e regjistroi humbjen e dytë në po aq ndeshje.

SIGAL PRISHTINA

RILSKI SPORTIST