Nuk është lehtë të luash kundër Prishtinës

Skuadra e Bashkimit u eliminua nga Kupa e Kosovës në fazën gjysmëfinale, pasi që u mposht nga Sigal Prishtina me rezultat të ngushtë, 80-83.

Eliminimi i tillë, është kapërdirë më me butësi nga trajneri i Bashkimit, Petar Mijovic, i cili duke pasur parasysh cilësinë e kundërshtarit dhe atmosferën e zjarrtë në Prishtinë, është ndarë i krenar dhe i lumtur me ekipin e tij.

Raporti i ndeshjes Bashkimi - Sigal Prishtina.

“Të them të drejtën, nuk është lehtë të vish në Prishtinë, të luash siç luajtëm ne, në një atmosferë të zjarrtë, kundër një klubi shumë të fortë siç është Sigali. Për këtë arsye unë ndihem shumë krenar dhe i lumtur me gjithë atë që treguam në parket. Prishtina fitoi me meritë, sepse në fund ne bëmë gabime dhe u ngutëm në disa momente në fazën e sulmit të cilat kundërshtari i shfrytëzoi mjaft mirë dhe në fund u radhit në finale,” tha Mijovic për faqen zyrtare të Federatës së Basketbollit të Kosovës.