Do të luajmë për ta mbrojtur titullin

Fitorja e Pejës në gjysmëfinale të Kupës ndaj Trepçës, e ka afruar edhe një hap më shumë skuadrën verdhezi drejtë synimit kryesor në këtë garë - mbrojtjes së titullit.

Për këtë i vetëdijshëm është edhe trajneri i pejanëve, Branimir Pavic, i cili menjëherë pas ndeshjes gjysmëfinale ka filluar të mendojë për finalen e Kupës.

“Trepça është një skuadër solide, me një trajner shumë të mirë si Neven Plantak. Megjithatë për momentin ne jemi më të mirë se ata, andaj edhe dallimi i forcave në parket është reale. Unë i dëshiroj suksese në të ardhmen ekipit nga Mitrovica, ndërsa neve na mbetet që të shtunën të fillojmë të mendojmë për finalen e madhe. Ne na pret një sfidë e rëndësishme duke e marr parasysh faktin se do të hyjmë në ndeshje për ta mbrojtur trofeun e fituar një vit më parë,” ka thënë Pavic për faqen zyrtare të Federatës së Basketbollit të Kosovës.

Raporti i ndeshjes Peja - Trepça.

Peja gjatë historisë së saj ka qenë katër herë fituese e Kupës së Kosovës dhe njëkohësisht edhe fituesja e fundit e kësaj kupe.

Në finale Pejën do ta pret Sigal Prishtina, e cila e mposhti në gjysmëfinalen Bashkimin.