SUPER DERBI TURK, NË KUPË

Foto: NTVSpor
Numër jashtëzakonisht i madh policësh në Fenerbahçe - Galatasaray sonte
2 April, 2025 @15:19
Rivaliteti i madh ndërmjet Fenerbahçes dhe Galatasarayit nuk ka sesi të mos kërkojë sigurim të shtuar. Dy ekipet e në rivalitet të përhershëm në futbollin turk, sonte ndeshen në kuadër të çerekfinales së Kupës së Turqisë, që vendoset me një ndeshje.
Fituesi shkon në gjysmëfinale, ndërkaq ndeshja nis në ora 19:45 dhe luhet në stadiumin e Fenerbahçes. Të dyja, gjithashtu janë në luftë për titull kampioni.
E mediat turke kanë bërë të ditur për shkak të rrezikshmërisë së lartë në përballje, janë siguruar 30 mijë e 199 policë/sigurim për të siguruar mbarëvajtjen e ndeshjes, pranë stadiumit që pritet të jetë përplotë. 50 mijë e 530 ulëse është kapaciteti i stadiumit në fjalë.
Pra, matematikisht i bie që përafërsisht raporti të jetë 0.6 policë/sigurim për tifozë në publik, pasi që numri i tyre është mbi gjysma e kapacitetit të stadiumit “Sukru Saraçoglu”.
Mëposhtë, 11-shet e mundshme të trajnerëve Jose Mourinho dhe Okan Buruk, para derbit të Stambollit në Kupë.