Objektivi i Pejës, triumfi në BIBL

Peja ka mposhtur Teodon në ndeshjen vendimtare të Grupit B, ku përcaktohej lideri i grupit. Pas kësaj fitoreje trajneri i Pejës, Branimir Pavic, ka thënë se objektivi i Pejës është triumfi në Balkan League. 

“Merituam të fitojmë këtë ndeshje sepse e kontrolluam atë nga fillimi. Kemi shënuar pikë kur duhej, ndërsa nikoqirët i falenderoj për mikpritje dhe mënyrën se si luajtën, posaçërisht në fund të ndeshjes. Ambicia jonë është fitorja në BIBL, pasi që kemi cilësi për të arritur këtë. Me këto ambicie jemi futur në këtë stinor, por të shkojmë hap pas hapi,” ka thënë Pavic shkruan faqja zyrtare e BIBL sot. 

Peja ka pasur një stinor perfekt në Superligë të Kosovës deri sot, ndërsa ka radhitur fitoret edhe në Grupin B të BIBL, ku pas ndeshjes së parë nuk është ndalur së fituari.