Pa gola në Klinë, kampioni ndalet dhe rrezikon kreun

Pasi e mposhti Llapin xhiron e kaluar, Dukagjini sot e ka ndalë në shtëpi Ballkanin, kampionin në fuqi të Kosovës.

Ndeshja në fjalë u mbyll 0-0.

Përkundër synimeve krejt të kundërta sezonale, pjesa e parë me skuadrave ishte shumë e barabartë. Kjo pjesë nuk prodhoi asnjë gol dhe skuadrat shkuan në pushim me rezultat të bardhë.

TABELA AKTUALE

Gola nuk dhuroi as pjesa e dytë, me ç‘rast ndeshja u mbyll me barazim dhe pikët u ndanë.

Të dyja skuadrat e mbyllën ndeshjen me nga një lojtar më pak në fushë. Në minutën e 89’, për shkak të dy kartonëve të verdhë u përjashtuan Dardan Morina i Dukagjinit dhe Queven Inacio i Ballkanit.

Barazimi i sotëm bën që Ballkani ta rrezikojë lëshimin e kreut të klasifikimit, me skuadrat përreth që mund ta marrin atë nëse fitojnë ndeshjet e tyre.

Në anën tjetër, Dukagjini për momentin është në vendin e nëntë dhe bën pjesë në skuadrat e rrezikuara për rënie.

Dukagjini në xhiron tjetër luan ndaj Suharekës në shtëpi, e Ballkani e pret Gjilanin në Suharekë.