Pas kapitenit, edhe Karanezi vazhdon me Bashkimin

Disa ditë pas zyrtarizimit të kapitenit Qëndrim Biraj që vazhdoi me Bashkimin edhe për një stinor, sot klubi prizrenas ka bërë të ditur se po vazhdojnë edhe me njërin nga djemtë e qytetit, Ujkan Karanezi.

Karanezi 25-vjeçar që ka qenë i rregullt në formacionin e skuadrës portokallezi në stinorin e kaluar, do të jetë pjesë e Bashkimit edhe në 2020/21.

Së fundi, Karanezi ka pasur mesatare prej 9.6 pikëve dhe 6.6 kërcimeve për ndeshje.

Më parë, Bashkimi ka bërë të ditur se ka vazhduar edhe kontratën e trajnerit Illmen Bajra për edicionin e ri të garave, që është përcaktuar të fillojë në javën e fundit të muajit të ardhshëm.