Të gjitha lajmet

MATCH REPORT: YLLI-BASHKIMI

Pas Prizrenit, Ylli njofton edhe Bashkimin me disfatë

Pas Prizrenit, Ylli njofton edhe Bashkimin me disfatë

1 November, 2020 @18:48

Skuadra e Yllit ka shënuar edhe fitoren e dytë me radhë në Superligë, duke e mposhtur edhe një ekip prizrenas me radhë.

Pas fitores ndaj KB Prizreni në xhiron e parë të stinorit, suharekasit kanë mposhtur sonte edhe KB Bashkimin në 13 qershori, me rezultat 91-77 në fund.

Ylli ka qenë më i mirë sesa Bashkimi në pjesë më të madhe të ndeshjes, ndërsa prizrenasit kanë arritur t’i bëjnë ballë atyre vetëm në çerek të dytë të ndeshjes, kur mendohej se do të ktheheshin në lojë.

Por në pjesë të dytë fjalën kryesore e thanë xhebrailat, të cilët shkuan rrjedhshëm te fitorja e dytë e stinorit nga po aq ndeshje të zhvilluara.

Valon Bunjaku ka qenë i mrekullueshëm sonte te Ylli. Ai shënoi 22 pikë e 13 asistime në fitoren e skuadrës, ndërsa gjuajti 4/3 për tre pikë.

TABELA AKTUALE

Me 20 pikë për suharekasit kontribuoi edhe Samir Zekiqi, që regjistroi edhe 6 kërcime tjera në llogarinë personale të tij. Ai luajti me saktësi 50% nga vija e trepikëshit 8/4.

Ndërkaq amerikani Cody John dha 19 pikë, 6 asistime e 7 kërcime për ekipin e trajnerit Dragan Radovic në fitore.

Te Bashkimi më efikasit ishin Musab Mala e Sean Hoehn me nga 17 pikë të shënuara. Mala shtoi në llogari edhe 8 asistime e 8 kërcime në këtë ndeshje, që s’mjaftuan për më shumë.

Malazezi Nikola Vukcevic nuk ishte në ditën e tij sot, duke shënuar vetëm 2 pikë për ekipin e tij. Shaq Carter ndërkaq, kreu ndeshjen me double-double prej 16 pikëve e 12 kërcimeve.

Me fitore, Ylli ndan vendin e parë të tabelës me ekipet tjera që kanë bilans 2-0, ndërsa Bashkimi tash ka bilans 1-1.

Ç3: YLLI-BASHKIMI

Në çerekun e fundit, hyhet me 6 pikë dallim

1 November, 2020 @18:22

Ka përfunduar edhe çereku i tretë në ndeshjen Ylli-Bashkimi, ku po zhvillohet një betejë e madhe për të fituar këtë…

PP: YLLI - BASHKIMI

Bashkimi ngushton epërsinë e Yllit

1 November, 2020 @17:53

Pas një paraqitjeje tejet të mirë në çerek të dytë të ndeshjes, Bashkimi ka arritur të ngushtojë epërsinë 13 pikëshe…

Ç1: GOLDEN EAGLE YLLI - BASHKIMI

Ylli nis furishëm ndaj Bashkimit

1 November, 2020 @17:19

Para pak çastesh ka pëfunduar çereku i parë i ndeshjes Golden Eagle Ylli - Bashkimi, ndërsa ekipi nga Suhareka në…

MATCH REPORT: PEJA-RAHOVECI

Peja tregon forcën në çerekun e fundit

Pamje nga perballja e muajit shkurt mes Rahovecit dhe Pejes/TOPSPORTI/ A. P.

31 October, 2020 @20:42

Ekipi i Pejës ka treguar forcën në çerekun e fundit të ndeshjes ndaj Rahovecit, për t’i mposhtur ata me 20…

PEJA - RAHOVECI

Përfundon pjesa e parë në ndeshjen Peja - Rahoveci

31 October, 2020 @19:42

Ka përfunduar pejsa e parë në ndeshjen Peja - Rahoveci. Pas 20 minutave lojë, rezultati është 46-39 në favor të…

Të gjitha lajmet nga FBK Superliga