Peja dhe Prishtina, godasin kundërshtarët

Se Sigal Prishtina dhe Peja do të jenë dy skuadrat që do ta thonë fjalën kryesore në kampionat këtë stinor, nuk ka pasur dyshim. 

Mirëpo, që dallimi do të jetë aq i madh me skuadrat tjera dhe fitoret të jenë me rezultat bindës, tepër të madh, edhe ndaj skuadrave që konkurrojnë për Play-Off si Bashkimi, Trepça e RTV 21 - kjo ka dëshpëruar. 

Fitoret e thella të Sigal Prishtinës dhe Pejës ndaj këtyre skuadrave kanë bërë që ato të mos dalin nga minusi edhe përkundër fitoreve në ndeshje tjera. 

RTV 21 me koshaverazh -22, pastaj Bashkimi me -23 dhe Trepça me -25 janë përafërisht aty, derisa skuadrat tjera si Drita, Besa e Kastrioti kanë minus koshaverazh të thellë, pas ciklit të parë të Superligës ku çdonjëra skuadër u takua së paku njëherë me skuadrën tjetër. 

Koshaverazhin më të mirë e mban Peja, me plus 187, derisa ndiqet nga Sigal Prishtina me plus 178. Të tjerat, të gjitha janë në minus.