Peja mposht Bashkimin edhe në BIBL

Pas fitores së shënuara ndaj Bashkimit në Superligë, Peja ka mposhtur ekipin prizrenas edhe në kuadër të BIBL për të bërë rezultatin mes tyre këtë stinor në këto gara 2-0!

Verdhezinjtë kanë qenë për pak më të mirë sesa portokallezinjtë, ndërsa aq ka qenë e mjaftueshme për të fituar duelin dhe për të vazhduar pamposhtshmërinë në BIBL këtë stinor për ta pas fitores së madhe ndaj Budivelnykut, e tashmë kanë bilancin 2-0 në këtë ligë.

Peja mposhti Bashkimin 76-72 [22-19, 18-15, 21-20, 15-18] ndërsa Rodney Purvis me 22 pikë ka qenë më efikasi te Shqiponjat e Karagaçit. Purvis për edhe 3 asistime e 3 kërcime në fitore, ndërsa atij i ndihmuan edhe Jalen Tate që dha 19 pikë e 3 asistime, si dhe Brad Waldow me 17 të shënuara e 9 kërcime.

Bashkimi, që nuk po gjen fitoren me trajnerin e ri Audrius Prakuraitis, në pjesë të dytë është treguar më i mirë se Peja, por pamjaftueshëm për të arritur fitoren. Nuk kanë mjaftuar as 27 pikët e Curtis Jonesit, bashkë me 6 asistime të tij. Nga 10 pikë te Bashkimi kanë shënuar Prentiss Nixon, Fahro Alihodzic dhe Fisnik Rugova, por pa arritur më shumë për t’ia dhënë fitoren e parë trajnerit të ri të prizrenasve.

Derisa Peja bën bilancin 2-0 në kuadër të BIBL me këtë fitore, Bashkimi bëhet me 0-3 pas tri ndeshjeve të para (dy prej të cilave si vendas), duke pasur të gjitha humbje në garë. Dueli i radhës për Pejën në BIBL është ndaj Milenijumit malazez më 20 dhjetor, ndërsa Bashkimi me 27 dhjetor luan ndaj Hapoel Beer Shevas.